(Видео) Големо невреме ја зафати Источна Македонија – Најлошо помина Крива Паланка!

ВЕСТИМАКЕДОНИЈА

Доцна попладне се зголеми облачноста и се појавија силни врнежи од дожд, грмежи, засилен ветер и врнежи од град.

Облачноста од сливот на Лепенец се премести кон Шар Планина и во делови од Полог, каде донесе поројни врнежи и грмежи.

Поројни врнежи и силна нетабилност имаше во делот од Крушевско кон Демирхисарско, додека во Кривопаланечко подолготрајна нестабилност со повремени нови појави на пороен дожд со променлив интензитет.

На крајот на денот од север ќе се намалува облачноста и ветерот ќе стивнува.

Утре ќе биде сончево и доста топло со мала до умерена локална облачност. Ќе дува слаб до умерен ветер од североисточен правец. УВ=9.

Минималната температура ќе биде од 13 до 20, а максималната од 29 до 37 степени.
Во Скопје, сончево и топло со мала до умерена облачност.

Ќе дува слаб до умерен северен ветер. Температурата 18 / 36 степени.

Од недела во попладневните часови повторно ќе има појава на локален пороен дожд и грмежи, но врнежите нема да бидат пообилни.

Во следниов неколкудневен период максималните температури ќе бидат во благо опаѓање.

Вака беше попладнево во Крива Паланка…..