Откриено каде и со кого е сега легендарниот Ф1 шампион Михаел Шумахер!

СПОРТ

Кон крајот на минатата година Жан Тод откри дека поминал викенд во куќата на Михаел Шумахер, а сега седум месеци подоцна првиот човек на ФИА во јавноста откри уште малку детали за ситуацијата со легендарниот возач која и понатаму за пошироката јавност е мистерија.

Најблиските на Шумахер правар се за работата да остане само во кругот на семејство и оние луѓе кои тие ќе дозволат да знаат нешто повеќе.

За состојбата на Шумахер и денес се знае многу малку иако од несреќата поминаа шест години.

Од она малку што се знае и што се откри во последно време изгледа дека работите се подобруваат, а во таква насока оди и последната изјава на Жан Тод за „Радио Монте Карло“.

Тод само го откри или ако сакате го потврди местото каде што престојува Шумахер како и дека живее со неговото семејство, повеќе не откри.

„Ситуацијата на Шумахер е максимално приватна работа. Сите се грижат многу добро за него, опкружен е со луѓето од неговото семејства во неговата куќа која се наоѓа помеѓу Женева и Лозана. Не се откажува и понатаму се бори, тоа е се што можам да ви го кажам“, изјави легендарниот шеф на Ферари кој денес е претседател на ФИА.

 

 

 

 

 

 

 

 

 

 

извор:sportski.mk