„Аквамен” со рекордна заработка од 822 милиони долари на светско ниво (видео)

ЗАБАВА

„Аквамен” снимен по истоимениот стрип на Ди-си Комикс, досега оствари рекордна заработка од 822 милиони долари на светско ниво.

Со тоа, филмот ја надмина и „Жената чудо” од минатата година, која досега заработи 821 милион долари.

„Аквамен” надвор од САД заработи 560 милиони долари, од кои 260 милиони само во Кина. Филмот се прикажува и во Македонија.

Режисер на филмот е Џејмс Ван, сценариото е на Дејвид Џонсон-Мекголдрик и Вил Бил, а во главните улоги се појавуваат Џејсон Момоа, Ембер Хард, Вилем Дефо, Никол Кидман, Долф Лунгрен и други.